Briketenia (已結業)

北角有好多嘅餐廳選擇，如果想食法國菜，可以嚟北角匯嘅briketenia，晚餐set包左前菜、主茶同飲品。去到餐廳見到原來窗口位係望到維港景色，如果想留個靚位下次要早啲預約定。落單之後，店員就送上餐包，溫度夠哂熱辣辣，外層少脆，入面又軟熟，仲有自家製蛋黃醬可以搽上塊包食。法式鵝肝焦糖燉蛋配田園沙律🌟將鵝肝混合埋係燉蛋入面，配搭埋多士一齊食脆卜卜又唔會膩，燉蛋食落甜甜地又好順滑。蘆筍湯🌟蘆筍打碎得均勻，喝起來冇哂碎粒，但有香濃嘅蘆筍味，清新健康嘅素食之選。油封法國鴨腿配新薯，紅莓汁 🌟鴨腿肉好軟稔，好輕易就可以切開，出面層皮煎到顏色金黃，脆得黎又香口，食落充滿鴨肉嘅油脂香，就咁味道已好足夠，鍾意食甜嘅仲可以試下沾旁邊嘅紅莓醬。香烤肉眼扒配薯蓉及小甘筍 🌟朋友鍾意食軟稔嘅牛扒，所以揀左五成熟嘅肉眼扒，生熟做得好好，用左少少鹽調味，一定要試埋沾芥末醬，少少辛辣更加開胃。旁邊仲有好多烤熟嘅配菜，包括蘆筍、燈籠椒、香菇等，食落香口又好味。到最後餐飲揀埋檸水同檸茶，食飽消滯。