Amelia Hong Kong

營業中

休息中

近尖沙咀碼頭海皮, 新開左間西餐廳兼有酒飲, 設室內同室外座位, 室外/近窗邊位置, 仲可以望到維港景色, 非常寫意!今日我地係榜晚時間入座, 更欣賞到黃昏至夜景景色。晚上沒有供應SET dinner, 都以散叫為主, 小食、主菜、甜品, 更有多款酒類飲品選擇。【和牛舌三文治】HK$108厚厚三文治表面輕輕烘至金黃微脆, 夾住層層摺疊既薄牛舌, 入口有層次, 牛舌為凍食, 質地很林很滑, 內層有少少薄荷醬, 薄荷味很淡, 唔會搶左牛舌味道, 係一款唔錯既小食。【大蜆+海膽西班牙圓米燉飯】HK$228海膽鮮甜, 入口即溶; 燉飯很濕潤, 米飯比起正宗西班牙飯林少少, 唔似食緊生米粒, 蜆肉切成一絲絲, 帶少少煙韌。但嫌個飯整體有D過鹹, 淡返少少會好得多。