宏 (已結業)

今晚去左我最愛餐廳食飯，宏是一間主打日本食材既餐廳，食材大多由日本空運到港，而當中又以抹茶最為突出。我叫左焙茶奶，香濃牛奶加入焙茶粉，入口茶香奶滑，非常濃郁。主菜的三色套餐最為吸引，鰻魚飯極是滋味，鰻魚香嫩入味，醬汁香濃配上肥美鰻魚，鰻魚幼骨唔多，每口都是香濃魚香，滿口魚油滋味，蕎麥麵是另一主打，入口彈牙味道清香，湯底全不油膩。呑拿魚蓉飯香濃魚味重，入口新鮮，魚油出眾豐富。套餐配卷蛋，入口忌廉幼滑，卷蛋極是鬆軟。抹茶雪糕更是驚喜，入口幼滑而茶味極出眾濃香。