花滿樓京川滬菜 (已結業)

本來是朋友影完畢業相後，打算請大家食飯，但主角臨時有事。負責訂位的我，既然已book了，索性與其餘四人o黎食飯。星期日係中環的晚市，估唔到有好多人，差不多滿座。而且環境俾我想像中好，我還以為是一般的酒樓格局。四喜烤麩-我只食到甜味，因為太甜關係，我食了一兩舊已無食。鹹肉醃篤鮮-有鹹肉、火腿關係，所以湯底特別濃夠晒野味，但不會過鹹，比小南國好。京燒羊肉-好有水準，皮好脆、肉好嫩，羊味好香。黑醋排骨-大大舊排骨，幾有咬口，味道亦唔錯，不過冇"阿拉"的黑醋排骨咁香咁入味。鍋貼小棠菜-我真是大鄉里，以為是小棠菜的鍋貼。原來是酥炸蝦膠，外層的酥炸皮炸得唔夠脆，而且一夾就散開，蝦膠唔夠彈牙，亦冇味。雖然是經理推介，我認為最差是呢碟。上海粗炒-買相麻麻，聞落亦有陣味。估唔到麵好彈牙，炒得好入味。灌湯小籠包-註明是灌湯，還以為是包住滿滿湯汁，實際是湯不算多，但皮好薄、肉夠鬆，唔會實。擔擔面-紅紅的湯底，辣味好足。而麵條粗幼不一，亦好有韌度，似乎手打麵。飯後還送桂花榚。輪價值、服務及食物都唔錯，中午時段值得再來一試。