影片
更多
2016-12-20
1125 瀏覽
今時今日租貴，食客又為咗影相放上fb 多過係為食，好多餐廳都係裝修得好有型，菜式得個樣。想食到真材實料又唔太貴，買少見少，呢間個名唔識讀又難記嘅餐廳，喺罕有選擇。之前幫襯過灣仔分店，印象好好。今次去完附近QB剪髮，先知原來上環都有分店。入到去，人客唔多，有嘅都係好似我咁嘅中年人。先送上法包$0, 點橄欖油，紅酒醋，朗一朗肚，重點係唔洗錢，而家好多地方嗰兩塊包都略你。Greek salad $98 feta芝士，黑水欖，配以青瓜，番茄，洋蔥，加橄欖油醋，冇花巧，用料新鮮，好味。侍應態度友善，問我d 嘢食ok唔ok, 我話ok, 不過份量差d... 佢話可以添多d法包。我有d唔好意思，話唔要，只係要杯cappuccino, 一於飲奶飲飽。杯cap $42, 冇拉花，但做得好好，泡沫細緻，上面沈滿朱古力粉。8oz 杯子用上double shot espresso, 夠晒濃，感覺踏實。店內兼營辦館，我臨走仲買咗包意大利脆條，邊行邊食，$30, 平過馬莎好多。呢種脆條用橄欖油做，特別香，又健康，唔似得普通餅乾用成本較低嘅棕櫚油。最後埋單冇加一，咁好服務竟然免加一，我唔記得畀貼士，有d內疚，咪喺o
之前幫襯過灣仔分店，印象好好。今次去完附近QB剪髮，先知原來上環都有分店。
入到去，人客唔多，有嘅都係好似我咁嘅中年人。
先送上法包$0, 點橄欖油，紅酒醋，朗一朗肚，重點係唔洗錢，而家好多地方嗰兩塊包都略你。
Greek salad $98 feta芝士，黑水欖，配以青瓜，番茄，洋蔥，加橄欖油醋，冇花巧，用料新鮮，好味。
侍應態度友善，問我d 嘢食ok唔ok, 我話ok, 不過份量差d... 佢話可以添多d法包。我有d唔好意思，話唔要，只係要杯cappuccino, 一於飲奶飲飽。
杯cap $42, 冇拉花，但做得好好，泡沫細緻，上面沈滿朱古力粉。8oz 杯子用上double shot espresso, 夠晒濃，感覺踏實。
店內兼營辦館，我臨走仲買咗包意大利脆條，邊行邊食，$30, 平過馬莎好多。呢種脆條用橄欖油做，特別香，又健康，唔似得普通餅乾用成本較低嘅棕櫚油。
最後埋單冇加一，咁好服務竟然免加一，我唔記得畀貼士，有d內疚，咪喺openrice寫下，讚下囉。
cap
$42
10 瀏覽
0 讚好
0 留言
張貼
