影片
更多
2019-01-02
1058 瀏覽
就來到聖誕節, 當然要同情人食搵返間靚少少嘅餐廳,食返個聖誕大餐, 一齊享受節日氣氛!雖然係假期出去食晚餐就預左比平日貴, 但係今次搵左呢間超值餐廳,食個豐富嘅二人晚餐, 只係$500 (連加一仲包2杯紅白酒),可以用咁嘅價錢喺聖誕節食到大餐(可以食到火雞!), 真係好難搵!雖然聖誕就過左, 但係來緊嘅情人節呢個會係一個好選擇~2人set包左餐湯,係南瓜忌廉湯, 南瓜味幾濃, 湯入面仲有2舊麵包,味道唔錯~主菜有紅酒汁火雞配雜菜, 所謂火雞就唔係原隻火雞, 係火雞肉再配上茄子磨菇等雜菜, 不過火雞肉份量都唔少, 火雞配埋紅酒汁幾好食, 雞肉亦都唔會太「鞋」, 另外仲有黑加侖子醬可以沾火雞, 甜甜地都幾特別!另一份主食就叫左牛扒(呢個價錢可以食到牛扒, 仲要係兩大塊),牛扒叫左7成熟, 其實係岩岩好,入口幾嫩唔會太熟, ;仲有薯蓉, 食完已經好飽!甜品方面叫左個CheeseCake 配雪糕, Cheese cake 味道都幾清新唔會太濃味,雪糕就係雲喱拿杏仁粒雪糕!另外就揀左麵包布甸, 呢個食落就有D甜,主要係外層嘅焦糖幾多, 不過食落口感都唔錯,配埋煉奶, 好甜不過好滿足!餐飲就跟左一
食返個聖誕大餐, 一齊享受節日氣氛!
雖然係假期出去食晚餐就預左比平日貴, 但係今次搵左呢間超值餐廳,
食個豐富嘅二人晚餐, 只係$500 (連加一仲包2杯紅白酒),
可以用咁嘅價錢喺聖誕節食到大餐(可以食到火雞!), 真係好難搵!
雖然聖誕就過左, 但係來緊嘅情人節呢個會係一個好選擇~
2人set包左餐湯,
係南瓜忌廉湯, 南瓜味幾濃, 湯入面仲有2舊麵包,
味道唔錯~
主菜有紅酒汁火雞配雜菜, 所謂火雞就唔係原隻火雞, 係火雞肉再配上茄子磨菇等雜菜, 不過火雞肉份量都唔少, 火雞配埋紅酒汁幾好食, 雞肉亦都唔會太「鞋」, 另外仲有黑加侖子醬可以沾火雞, 甜甜地都幾特別!
另一份主食就叫左牛扒(呢個價錢可以食到牛扒, 仲要係兩大塊),
牛扒叫左7成熟, 其實係岩岩好,
入口幾嫩唔會太熟, ;仲有薯蓉, 食完已經好飽!
甜品方面叫左個Cheese
Cake 配雪糕, Cheese cake 味道都幾清新唔會太濃味,
雪糕就係雲喱拿杏仁粒雪糕!
另外就揀左麵包布甸, 呢個食落就有D甜,
主要係外層嘅焦糖幾多, 不過食落口感都唔錯,
配埋煉奶, 好甜不過好滿足!
餐飲就跟左一杯紅杯同埋白酒, 因為我地無加錢轉其他酒,
所以都係default嘅餐酒, 味道就不過不失,
紅酒唔會太澀, 白酒甜甜地幾易入口!
張貼
