Wheatfield X 羅宋湯專門店 (東薈城) (已結業)

其實留意左呢間餐廳都有一段時間，因為我係羅宋湯嘅fans.😍見到個餐廳名係羅宋湯專門店，所以都對佢地個羅宋湯有好大嘅期待套餐$72起跳加埋一其實都接近一百，感覺有啲貴。我叫左個全日自選湯麵套餐羅宋湯足料，飲落唔會覺得好稀，味道偏甜帶點微辣。牛肉好冧，但偏肥，入口感覺好膩。✨醬油撈拉麵拉麵偏軟身，醬汁撈得均勻但夾起啲麵會痴埋一舊，而且醬汁味道偏淡，蒜味較重。✨麻辣雞柳絲首先我覺得一啲麻辣嘅味道都冇而且淨係將啲雞柳炸完再撈啲辣醬🌚完全係零心機之作。羅宋湯係好飲但其他食物味道就一般，而且價錢我覺得有啲貴。