香料咖哩皇 (已結業)

Chicken Tikka Masala 得 5舊，味道還可以。Lamb Rogan Josh 得 5 舊，羊肉有汁浸住都乾！Cheese Naan 略油膩Pullau Rice 正常Mango Lassi 唔夠凍Heineken  (餐牌並無酒精類飲品)餐牌已經全面加價約一成。埋單$300。我話網上訂位有8折，於是嗰個唔知伙記定老細連隨改單，加10% service charge 後再8折，應該 $264 但佢齊頭收 $270。冇所謂，六蚊好小事。俾張 $500 紙，佢找番 $130，好明顯找少 $100。於是叫佢過嚟，佢即時話『ya ya sorry sorry』，心知肚明唔啱數，戲都廢事做，馬上喺褲袋摷張 $100 紙出嚟。奸商！第一次去重慶食飯。呢間坐窗邊俾窗簾布揩住後腦唔舒服，食物份量少，味道普通，價錢拍得住中環蘇豪。疫症時期，難得仲有人肯出街消費食飯，點解唔正正經經做生意？出古惑摶人唔 check 單收多 $100，不顧商譽欠誠信，全無道德可言。今後請都唔去。