聚朋坊 (已結業)

北京填鴨(半隻)($168)，個皮蒸得夠熱辣辣，皮既份量足夠一塊一片鴨，燒鴨色澤亮麗有油份，唔會乾爭爭，二人食半隻已經好夠。花雕醉雞($78)，擺盤賣相唔錯，花雕既酒香味濃郁，在口腔仍然停留一陣餘韻，而且滲入雞肉之中，雞肉質嫩滑。孜然羊肉($85)，孜然味香濃，帶少少微辣，羊肉肉質好軟腍，而且有香羶味，整碟都係羊肉，份量非常十足，估計超過20片羊肉以上。炸小饅頭($28)，共3個，溫度暖暖地，唔會太熱一食燙親口，外層有微微脆，內裏鬆軟。凍豆漿($16) /可樂($13)，食得好飽肚，飲豆漿解渴解膩。