影片
更多
2020-02-24
401 瀏覽
一次無心插柳之下, 竟然發現金魚街陳湘記原來係一個大寶庫, 內裡有大量玄學術數嘅書籍, 相信數量係全香港最強!買咗幾本珍藏之后, 行過對面街經過風味園, 見到門口有張羊腩煲廣告貼係門口, $258 蚊又唔係貴價錢吸引, 所以入去試試質素如何.幫襯風味園唔係第一次, 但係食羊腩煲就第一次.另外見到 menu 有個風味園煲仔飯, 有油鴨有瑤柱有臘味有土魷肉餅, 一大埋頭! 又叫咗一煲.表表態先, 食過幾次羊腩煲, 土瓜灣神采廚房羊腩最冧, 柴灣泉記羊腩味道最香濃惹味!風味園嘅羊腩煲係兩者之間! 香濃味道比柴灣失色, 但味道絕對唔係差, 羊騷味亦唔係太強.有D羊腩大件咗D, 亦有幾件肥膏，食落唔夠冧, 正常吧.有幾件羊腩, 炆到D羊腩軟骨起哂沙! 口感超正! 中意食軟骨嘅食家自然會明白!另外風味園羊腩煲有一個優點, 支竹冬菇冬筍三款有齊! 一煲過有齊哂支竹羊腩煲同雙冬羊腩煲！羊腩煲味道唔錯之餘..... 份量都極足夠, 而且比想像中多!不單只羊腩煲份量足夠, 連生菜都送兩大棵! 飽哂! 重要食唔哂打包外賣!腐乳醬都好好味, 可惜無得打包.... 哈哈....無錯, 個煲仔飯已經慘慘豬地被冷落
買咗幾本珍藏之后, 行過對面街經過風味園, 見到門口有張羊腩煲廣告貼係門口, $258 蚊又唔係貴價錢吸引, 所以入去試試質素如何.
幫襯風味園唔係第一次, 但係食羊腩煲就第一次.
另外見到 menu 有個風味園煲仔飯, 有油鴨有瑤柱有臘味有土魷肉餅, 一大埋頭! 又叫咗一煲.
表表態先, 食過幾次羊腩煲, 土瓜灣神采廚房羊腩最冧, 柴灣泉記羊腩味道最香濃惹味!
風味園嘅羊腩煲係兩者之間! 香濃味道比柴灣失色, 但味道絕對唔係差, 羊騷味亦唔係太強.
有D羊腩大件咗D, 亦有幾件肥膏，食落唔夠冧, 正常吧.
有幾件羊腩, 炆到D羊腩軟骨起哂沙! 口感超正! 中意食軟骨嘅食家自然會明白!
另外風味園羊腩煲有一個優點, 支竹冬菇冬筍三款有齊! 一煲過有齊哂支竹羊腩煲同雙冬羊腩煲！
羊腩煲味道唔錯之餘..... 份量都極足夠, 而且比想像中多!
不單只羊腩煲份量足夠, 連生菜都送兩大棵! 飽哂! 重要食唔哂打包外賣!
腐乳醬都好好味, 可惜無得打包.... 哈哈....
無錯, 個煲仔飯已經慘慘豬地被冷落一旁! 首先睇睇有無煲仔飯嘅靈魂 - 飯焦, 雖不
至於大量, 但仍然可以係煲底搜刮出嚟. 飯粒吸收咗油鴨臘味同肉餅嘅油香, 令到成煲
飯都好香好惹味.
當然..... 都係食唔哂打包啦.
睇咗幾篇風味園嘅食評, 都話服務佢地差, 我好好彩, 幫襯過幾次都無咩大問題, 上菜速度亦唔慢.
相信.... 哩煲係今季最後一次食嘅羊腩煲, 十個月后年尾入冬后再續前緣吧.
張貼
