無印良品 (已結業)

疫情稍為緩和，所以都開始喺平日嘅時候，下午茶外出堂食，九龍灣無印良品開幕嘅時候，已經好想去餐廳度堂食， 因為當時好多人所以打消念頭，可能因為平日同埋係大概下午三點嘅關係，餐廳內好少人，我坐嗰張枱基本上方圓1.5米都冇其他人，感覺好安全，叫咗兩人份量既疏乎厘pancake 其實order 有幾個方法, 一係就係直接去counter俾錢，一係就坐低之後，scan 枱上面嘅QR code然之後自己用手機order，但我初初睇手機, 搵唔到疏乎厘pancake， 所以就行咗去counter order , 後來發現其實手機個Menu係一樣唔知係咪因為疫情關係，嗰日冇雪糕，所以個Pancake 都係單價$88兩人份量, 冇飲品或其他配料. 等山咗大概20分鐘，pancake 終於出現，溫度唔算好熱，微暖， 味道都唔錯，同埋初初都擔心二月份量會唔會太少，但食落其實都幾飽，唔會好似有啲疏乎厘pancake咁得陣風