十三少 (已結業)

食物要好味道，師傅手藝固然重要，但係食材本身都係好大嘅因素。今日黎到樂富依間餐廳覓食，真係好難得感受到食材本身嘅鮮味，岩岩出鑊嘅美味。餐廳環境方面好寬躺，望落去好乾淨舒適，另外一提筷子座係一粒花生！我地叫左椒麻皮蛋、麻辣鹵豬手、十三少酸菜魚。椒麻皮蛋係用水晶皮蛋，比一般皮蛋貴。蒜蓉、辣椒等特製醬料，店員介紹一定要配着皮蛋一齊食。一口落去香香辣辣好開胃！麻辣鹵豬手好大一碗！豬手雖然大大舊，不過經過長時間嘅烹飪已經煮到完全軟熟，微辣嘅滷水汁入味，好輕易就咬開，令人一啖接一啖。食得川菜，點少得酸菜魚。十三少酸菜魚份量大到佔咗半張枱，即叫即煮加上新鮮嘅魚片，唔怪得係招牌菜。魚片分量好多，而且食得出嘅新鮮，湯底充滿香料所以麻香過引。酸菜酸味好味唔會過酸或太鹹。會推薦朋友過黎食川菜！