天丼 (已搬遷) 新店位置

打完風後的星期日，同家人出去Yoho午飯，順便補充番啲物資。過去2日打風唔係公仔麵就係麥當勞，所以今日本身係想食清淡少少的，但後來揀咗天丼。周末的Yoho mall一定勁多人，差唔多3點去到時都要排隊，不過比預期中快咗有位。家人叫咗天婦羅烏冬配豚骨白湯，各樣天婦羅都新鮮，一來應該真係有單先即炸，二來炸的時間亦都控制得好，而烏冬亦算彈牙，唯獨炸蝦的味道較淡。我就叫咗個華味鳥天丼，天婦羅有2件薄雞肉，2件雞寶，蓮藕，四季豆，再加半熟蛋。我較鍾意雞寶的味道，食完2件仲想要多啲，反而薄雞肉我覺得一般。蓮藕及四季豆都掌握得好，炸的時間適中。半熟蛋撈埋飯一齊食好正。另外追加茄子及蕃薯各一份 (每份2件)，蕃薯都炸得好味，推介！雖然係天婦羅，不過炸得一啲都唔油膩，大家都可以試下！提提大家，用膳時間為45分鐘，會否好趕？對於我同家人就無問題。