小胖台灣便當 (豐怡中心) (已結業)

今日同宅男🐯一齊去信和中心2X樓拎Figure公仔，出黎見有d肚餓，諗緊食咩之際，望到對面街有個好sharp既橙色肥仔頭吸引眼珠，又因為幾趣致，仲令我地兩個走左上去幫襯😂⭐️麻辣鴨血肉燥寬粉🐯揀左依碗夠晒惹味香辣，我食左幾口，煙韌彈牙嘅寛粉索滿麻辣湯頭， 而鴨血少許Q彈，夠滑又夠嫩，入晒味好多汁，麻辣度岩岩好，夠晒過癮⭐️台灣古早味烤豬肉便當烤豬肉厚薄均勻，烤得入味，外皮微甜內裡軟嫩，流出肉汁，好食👍🏻配菜都係超讚，有炒冬粉配上冬菇絲同紅蘿蔔絲，帶少許麻油香好惹味；小蛋角有菜圃同豬肉碎，配埋時菜同粟米粒，同粒粒分明既米飯，令我諗起台灣傳統豐富又美味既便當盒😌⭐️虎咬豬刈包⭐️虎咬雞刈包刈包即割包，因為好似老虎打開口既形態而命名，用上饅頭白包中間再夾上餡料。我個「虎咬豬」就係夾住滷左既豬五花肉，肥瘦相間既五花腩食起黎滑順，甘香鬆軟；佐以海量芫茜，少量酸菜與花生粉有增加香氣之餘，仲中和了豬腩肉的膩感😙「虎咬雞」都唔弱！烤過既嫩滑Juicy雞扒加煎蛋，再配埋酸菜同花生粉，好味又飽足⭐️百香Q果綠茶不約而同叫左依款百香果飲品，百香果加綠菜味道清新無負擔，仲有咬口既椰果條同珍珠，解渴解膩效果一流👍🏻「小胖