陳根記 (已搬遷) 新店位置

今日收工約左好朋友去沙田食飯，行去禾輋途中，朋友見到大排檔話忽然間好想試，咁就兩個人麻甩一番啦。兩個人叫左兩個餸加碗白飯，已經好夠飽。wasabi手撕雞 :見每一檯都點呢個招牌菜，我地都叫返個試下。份量相當多，雞肉爽口夠嫩，wasabi微辣下越食越嗆鼻，但又一路食一路停唔到口，配埋蟹籽同海蜇，熱辣辣下食感到份外清涼。蠔餅 :同一般大排檔一樣，蠔餅大大碟有兩大塊，即叫即炸，入口時十分燙口，蛋醬包住大量既蠔仔，炸得非常香脆，配埋飯食一流。雖然氣溫高達三十度，但一樣坐滿咁滯，有時食飯唔一定要環境好，風味都好緊要架。