十二味不只是烤魚 (已結業)

之係黎過D間十二味不只是烤魚真係回味無窮但既然個鋪頭名改得係做不只是烤魚, 咁其他野應該都好好味掛?D個問題係我個腦揮之不去, 唯有拉埋男友親自去求證下啦其實除左烤魚之外, 十二味不只是烤魚真係仲有好多唔同既選擇乾煸四季豆(辣版)一上到台用香味黎攻擊我既食慾, 好香呀! 個四季豆炸得岩岩好, 食落唔會好似出面咁成口油, 又唔會太咸, 但如果可以再辣多少少就非常好啦烤牛舌孜然粉份量落得岩岩好, 唔會好似出面咁落勁多孜然粉去蓋左肉味 (其實可能出面有部份餐廳就係為左想蓋左陣不新鮮的肉味), 食得出牛舌既本味, 又烤得岩岩好好香口, 必食之選!新疆大盤雞精明既胃之妹梗係叫個特價餸啦! 見到D個大盤雞由$188減到去$88!好抵呀, 即叫! 雖然話$100蚊, 但都唔會將貨就價, 都仲係好大盤, 食落雞都幾滑, 幾好味, 有一點唔明就係, 點解見到咁大舊辣椒, 都唔係好夠辣既, 如果可以辣多少少就更好炸鮮奶食完正餐仲想食多少少甜野, 男友就SUGGEST叫多個炸鮮奶, 個炸鮮奶內脆內嫩, 又非常夠熱, 極之好味, 推薦!總結黎講十二味不只是烤魚果然不只是烤魚, 其他小菜, 串燒都好到家, 大愛