韓膳宮韓國料理 (已結業)

又到年尾既時間，係過年前最忙就係要約埋朋友一齊食下飯聚下，預先食個年飯。今日約左朋友黎到尖沙咀，朋友係一個韓迷，就帶左佢去呢間韓式餐廳食下韓國野。等佢解下思鄉之情。入到黎餐廳見到座位都十分寬敞，坐落十分舒服。兩個人商量左一陣就決定揀左二人套餐B，有燒烤拼盤，人參雞湯，石頭鍋飯。前菜有6款，每款都幾好味，特別係泡菜，食到係好重辣椒既香味，而唔會只有辛辣既味道。而且可以食到蔬菜既天然甜味，同韓國出名既餐廳既泡菜味道。有大蝦，肉眼扒同埋牛肋骨。大蝦一開始就放左係旁邊燒到就完先食，食果陣仍然肉質彈牙同埋幾鮮味。肉眼扒既牛味好重，只需要燒一陣就可以點少少醬食已經好好味，肉好軟熟。 仲有我個人食完之後極之喜歡既牛肋骨。不得不讚既係牛肋骨醃得好入味同味道剛剛好。燒完後加入生菜同埋泡菜等小菜包埋一齊一口放晒入口真係好滿足。咁食法有蔬菜既清新又有肉既味道配搭絕佳。食完肉後仲有一個人參雞湯，雞有半隻，湯味都十分濃，食完肉後飲番一電人參雞湯就完美了。兩個人食晒個餐已經好飽，咁既分量同味道真係性價比十分高。