大滿喜日本料理 (已結業)

平時都唔係話特別鍾意食放題，因為成日都會食到一啲比較伏嘅餐廳。今次去左呢間位於旺角嘅大滿喜，味道就非常令人滿意，向大家誠意推薦!餐廳環境寛闊，坐得都好舒服。飲品選擇相當多，由不同嘅汽水到烏龍茶等等，實有一種係岩你飲嘅。除左飲品外仲有乳酪，真係非常貼心。食放題最抵就緊係叫刺身喇，平時幾十蚊一碟嘅刺身而加可以任食，緊係要食到回本先得喇!呢度嘅刺身選擇都幾豐富，三文魚、油甘魚、甜蝦等等應有盡有，而且都十分新鮮，味道令人滿意。除左刺身之外，我仲好鍾意叫呢類創意小卷，師傅設計左唔同魚生嘅combination,一啖放入口，相當好食!除左生嘅食物外，仲有唔少熟食，都相當好食!鰻魚岩岩燒好 ，食落熱辣辣非常香口。最後食番啲時令水果，非常完滿嘅一餐😆