滿漢小館 (已結業)

星期五晚放工，喺沙田嘆完spa，同老公搵地方食飯。OpenRice睇到依間店嘅評論咁差，唔敢去。但係經過嘅時候，見到依度燈火通明，坐到爆，望吓大家枱上嘅食物，又相當唔錯喎，所以膽粗粗入去試吓。點知非常之有驚喜，水煮魚相當出色用嘅仲要係生魚片，冇骨，嫩滑，仲要有唔常見嘅寬粉墊底，蓮藕萵筍通通都非常之入味只售$128真係抵到冇朋。肉夾饃唔錯，口水雞一般般，酸辣湯稍為遜色，其他手抓餅等等，都表現出色。會繼續支持，如果有埋辣子田雞，干鍋肥腸之類的，咁就更加正啦。