Just Eat (已結業)

平時行開西營盤都係去咖啡店多，今晚約咗朋友食晚飯，見到一間越南菜加泰國菜嘅餐廳，好似好唔錯，就入嚟試下啦。星期五晚已經坐滿人，睇嚟真係好旺。叫咗3樣嘢，泰式法包，牛肉檬粉，同埋越南蝦卷。vietnamese baguette越南法包有驚喜！入邊除咗有肉鬆之外，加埋生菜同埋花生碎，真係好香脆😍如果下次嚟，一定會再叫呢個！cold vermicelli bowl with grilled beef牛肉檬粉一直係我嘅最愛，酸酸味味嘅泰式辣汁，撈埋檬粉真係好好味！女仔都真係可以開胃到食曬成碗。越南鮮蝦卷，卷得好好，而且加埋新鮮的蔬菜感覺好清新。地點都好方便，味道都好好食，值得一試。