九拾後 (已結業)

今日中午同同事過大角咀搵食, 呢邊有好多小店, 路過見門口有相有煲仔飯食, 賣相幾吸引, 加上見唔洗等位就試下啦。一個煲仔飯都係$43, 價錢都算合理!店舖座位都幾寬敞, 服務生幾好禮貌!選左蒜蓉炒生菜, 份量都幾多, 個菜炒得唔錯, 不過原來$51一碟, 價錢有點貴。等左約10分鐘左右, 煲仔飯熱辣辣送到, 打開蓋, 賣相很吸引, 自己淋上鼓油, 飯好軟腍, 同脆卜卜既飯焦, 好好味, 排骨同滑雞肉質鮮嫩, 鹹味適中。餐湯係霸王花湯, 比較淡口。