影片
更多
2009-11-21
222 瀏覽
去鳳城只會去傳統的旺角或北角分店, 相信心水清的食友都好清楚, 原因不再多講, 今次一大顆人來到, 叫左唔少野食, 其中幾款比較出色, 實在要介紹一下, 第一樣係要預訂的炸蟹鉗($42一隻), 價錢一d都唔平, 但試過後一定讚好, 用上原隻新鮮肉蟹鉗包著蝦肉, 撲上薄薄的粉去炸, 絕對真材實料, 無花無假, 唔似坊間大部份中菜館用上大量蝦膠同墨魚膠充當, 大大隻熱辣辣, 脹卜卜的咬下去啖啖肉, 並唔係只有一般墨魚膠的彈牙, 但卻有應該有的質感, 花四十幾蚊都值得一試, 畢竟肯花時間同心思弄傳統粵菜的中菜館實在不多... 第二樣係乳豬(例牌$118), 本來乳豬併生腸都係一樣價錢, 但本席太多人唔食生腸, 所以只乾脆地叫淨乳豬, 鳳城的乳豬大部份時間都係微熱或暖的, 因為見佢地燒味部每次只有一隻乳豬掛係到, 賣完才弄第二隻出來, 其實佢地的例牌的份量並唔係多, 大概有十多件左右,有花生鋪底, 我覺得適合做前菜或頭盤, 乳豬件係連骨片出來, 化皮咬下去都算卜卜脆, 皮脆肉嫩, 當然有d係連著少許脂肪, 但唔算太肥, 可以接受的, 水準一如以往的高 第三樣係脆皮炸子雞($200), 老實講
第二樣係乳豬(例牌$118), 本來乳豬併生腸都係一樣價錢, 但本席太多人唔食生腸, 所以只乾脆地叫淨乳豬, 鳳城的乳豬大部份時間都係微熱或暖的, 因為見佢地燒味部每次只有一隻乳豬掛係到, 賣完才弄第二隻出來, 其實佢地的例牌的份量並唔係多, 大概有十多件左右,有花生鋪底, 我覺得適合做前菜或頭盤, 乳豬件係連骨片出來, 化皮咬下去都算卜卜脆, 皮脆肉嫩, 當然有d係連著少許脂肪, 但唔算太肥, 可以接受的, 水準一如以往的高
第三樣係脆皮炸子雞($200), 老實講以一般酒樓中菜館來說, $200唔算好平宜, 但食過後一定物有所值, 起碼每次係即叫即炸, 送到來一定係熱辣辣, 伴以一舊檸檬, 唔會好似坊間的望到個樣已知道係炸左一段時間, 仲要唔夠熱, 而且好細隻, 梗係比人打左苦頭咁, 鳳城的絕對不會, 呢度的大大隻, 絕無貪工減料, 炸工亦好, 炸到d肉剛剛熟, 皮夠脆肉夠嫩滑, 雖然我唔肯定佢地用新鮮定冰鮮雞, 但水準卻無可置而, 我絕對覺得係香港整得最好的炸子雞之一
鳳城的舊式服務, 裝潢, 衛生當然不寄厚望, 但佢地的炸物卻特別出色, 下次再來一定要試埋野雞卷, 鍋貼大明蝦, 大良炒鮮奶, 西米焗布甸, 桂魚卷, 藕餅, 煎釀菱魚......
張貼
