天丼 (已搬遷) 新店位置

之前見到YOHO原址封板，仲以為冇得再食，今日才發現搬了新地方。好彩仲有得食，作為喜歡食天婦羅的我實在太開心了。今日食穴子海老天丼，上菜時店員提醒要先食穴子，確保肉質唔會變淋，所以第一啖就係食穴子，又真係魚肉肥美，炸粉又唔厚，好好食。所有天婦羅都係即炸即食，即使如蔬菜類都可以保持到鮮甜，食得材料好新鮮好優質。意料之外地最欣賞嘅係白飯，選用日本珍珠米，粒粒飽滿有彈性，淋上特配的醬油，甜咸得宜，令人好開胃，始終覺得天婦羅同白米飯係最佳配搭。 套餐包埋一小碗味噌湯，一杯熱茶，如果包埋野飲就好了。個人認為落少少七味粉更惹味更吸引。