楓 (已結業)

Facebook看見此舖頭有加拿大海膽做優恵，路經佐敦咪走去睇下。舖頭細細主要售賣凍肉，我當然問海膽有無貨。店員取出幾板貨俾我，我攞咗一板最乾身的。另外，店員sell我特價飲品及芝士蛋糕，見女朋友鍾意食甜品又唔貴，就買2件逗下女友開心。終於返到屋企開餐，D加拿大海膽真係好肥美。一啖食落口，好濃的海水味再加上極濃的海膽鮮味，正呀！D海膽質感非常粘口，D海膽的鮮味留係口腔內好耐好耐都唔散，我同女友兩三下就食完整盒海膽。雖然個海膽都几膩，女友依然要開個cheese cake試下。lemon blueberry 的芝士蛋糕，好重blueberry的香味，蛋糕也算滑，但芝士味就不太濃，$14件蛋糕的質量已算不錯。