合利潮州打冷飯店

營業中

休息中

冇諗過一餐高水平嘅潮州菜價錢會咁平，今晚叫咗三樣嘢食，夾埋竟然唔使三百蚊落樓真係好抵°一心其實係諗住嚟呢間幫襯佢嘅水瓜烙，不過食到一半先至發現佢好似係九肚魚烙，畀錢嘅時候又唔記得同老闆娘講，希望佢冇收少我錢啦，始終呢啲老實小店真係要真心支持°講返佢個九肚魚烙先，材料好足好新鮮，粉漿唔會太厚，唔會一味淨係食咗麵粉食唔到九肚魚同埋其他嘅配料，真心讚°第二度餸係芥蘭炒牛肉，用返有潮州特色嘅沙爹醬特別正°最後一度係糖醋麵，煎得夠香夠乾身，而且又唔係太多油，加上砂糖同埋醋就無敵啦°