飯丸屋 (D2 Place TWO) (已結業)

經過D2 Place見到一間新開嘅飯團店，平時行過都好多人，今次見冇咁多人就過嚟試吓啦 😉嗌完之後要等一陣，因為飯團係即叫即整嘅，加少少錢就可以加埋個餐有飲品同埋一個小食，因為今日好想食薯條，所以就叫咗薯條🍟如果唔係都有其他小食好似係炸嘅芋泥丸咁樣嘅特別。見佢有個QR code好似係可以預先嗌咁返嚟嘅時候就可以即刻攞到，下次可以試吓。今次我就叫咗明太子炸帶子飯團入邊仲有餐肉，因為啱啱整好嘅關係，食落去口感非常之好，啲紫菜都好脆，明太子亦都好香。飲品方面就叫咗紅豆豆漿，係幾特別同埋健康嘅選擇。因為出邊比較少見。