影片
更多
2020-03-07
8476 瀏覽
今晚約左兩好友吹水飯聚，想食得好坐得好，於是就嚟咗焼肉ジャンボ。餐廳環境當然好ok 啦，餐具各樣都好乾淨，最驚喜佢地竟然比咗間房我地坐！有privacy 真係笑得大聲都唔怕😆😆先試兩款黑毛和牛，上肩肉及上牛小排。呢兩款肉真係冇可能出事，肥瘦適中，肉質鮮嫩多汁，yummy yummy 😋😋再嚟和牛tartar，食得出係好新鮮嘅食材，味道亦唔錯，唯一有部分有筋，食起上嚟有啲美中不足之感。除咗牛肉，我哋都叫左Jumbo沙律，蛋花湯同埋雞肉冷麵。沙律好足料，有蝦有肉，炸過嘅蒜片亦好出色，加上新鮮沙律菜可以中和返肉嘅油膩感。蛋花湯望落雖然唔算特別，但好香，好好飲，絕對唔Hea👍🏼雞肉冷麵對我嚟講幾有驚喜，好多時啲雞肉都好鬼「鞋」，麵又太林。但呢碗絕對值得一試🤤雞肉好滑，麵質煙韌彈牙，配合燒肉食成個感覺清新晒。全晚嘅主角嚟啦，就係jumbo皇牌野原燒！只需大概火灼10秒（當然由店員幫忙），配合埋日本蛋黃一齊食，增加牛肉嘅軟滑感。味道就緊係正啦，都唔駛多形容，必食呀😋😋飲埋酒，食高質和牛，全餐飯每人大概$680，都係預算之中，間唔中一次都唔算過份啦😄😄
餐廳環境當然好ok 啦，餐具各樣都好乾淨，最驚喜佢地竟然比咗間房我地坐！有privacy 真係笑得大聲都唔怕😆😆
先試兩款黑毛和牛，上肩肉及上牛小排。呢兩款肉真係冇可能出事，肥瘦適中，肉質鮮嫩多汁，yummy yummy 😋😋
再嚟和牛tartar，食得出係好新鮮嘅食材，味道亦唔錯，唯一有部分有筋，食起上嚟有啲美中不足之感。
除咗牛肉，我哋都叫左Jumbo沙律，蛋花湯同埋雞肉冷麵。
沙律好足料，有蝦有肉，炸過嘅蒜片亦好出色，加上新鮮沙律菜可以中和返肉嘅油膩感。
蛋花湯望落雖然唔算特別，但好香，好好飲，絕對唔Hea👍🏼
雞肉冷麵對我嚟講幾有驚喜，好多時啲雞肉都好鬼「鞋」，麵又太林。但呢碗絕對值得一試🤤
雞肉好滑，麵質煙韌彈牙，配合燒肉食成個感覺清新晒。
全晚嘅主角嚟啦，就係jumbo皇牌野原燒！
只需大概火灼10秒（當然由店員幫忙），配合埋日本蛋黃一齊食，增加牛肉嘅軟滑感。味道就緊係正啦，都唔駛多形容，必食呀😋😋
飲埋酒，食高質和牛，全餐飯每人大概$680，都係預算之中，間唔中一次都唔算過份啦😄😄
張貼
