牛極 (通菜街)

營業中

休息中

下午經過旺角通菜街， 午飯時間見到有一間叫牛極的石燒店， 非常吸引一於入去試下。近期興起石燒牛，以火山石燒牛扒，成為流行的食牛扒方式。一入門口見到自助下單機，可以自行下單後再入座。 我點了兩份很抵吃的牛，牛肩排 180g $80和牛柳 200g $110。所有套餐已包沙律、飯及湯，見牛扒未到我先出去自助區攞了些沙律、麵豉湯、醬料和白飯， 之後店員很快就為我們送上石燒牛肉，師傅會先將牛肉燒至一成熟，再放在經過焗爐烤至攝氏300度的火山石上。牛柳～ 牛柳的肉質相比牛肩排紮實， 肉汁豐富， 兩者的牛味都十分濃郁。再配上餐廳的蒜蓉、燒肉汁和辛辣燒汁， 又有另一番風味。牛肩排～ 肉質嫩滑， 油脂分佈比例比牛柳多， 口感軟腍。非常抵吃的石燒牛， 價錢親民， 座位舒適， 推介給所有喜歡食牛的朋友。