張生記 (已結業)

最近有大陸既親戚黎左香港玩, 話想食D比較精緻既中菜,於是我就帶左佢食呢間位於銅鑼灣既張生記. 我地叫左個<三潭印月宴>, 望落價錢雖然有D貴, 但係係買一送一,除番開都算合理. 有別於一般中菜,呢度既野食唔係大大碟大家SHARE,而係每人一份. 前菜分別係皮蛋同醉雞. 個人覺得個醉雞味道非常唔錯, 食落酒味剛剛好, 唔會太重遮蓋左本身既雞味. 之後既張生記老鴨湯亦非常出色, 湯煲得非常入味,飲得出係老火湯,入面亦到非常足料. 之後既麻婆豆腐龍蝦都相當唔錯, 川味十足. 呢度既麻婆豆腐有別於一般係香港食到既, 無論係麻味同辣味都非常重,相當正中. 呢道東坡牛肉配南瓜餅亦令人非常驚喜, 就咁食落肥瘦適中, 入口即溶,令人唔係幾分得出佢係牛肉定豬肉. 蟹粉小龍包皮薄, 成啖放入口湯汁爆晒出黎, 蟹味十足. 最後食番碗酒釀丸子做甜品,整體而言係非常令人滿意既一餐.