湯•米 (已易手) 新餐廳

今日同朋友喺旺角睇完戲肚餓見到有間裝修都幾靚既食店就入去原來係一人一鍋黎有9種唔同既鍋另外飲品選擇都算多我揀左臭臭鍋朋友就揀左烤魚鍋仲嗌左台灣香腸同兩杯台式飲品兩個鍋好快就黎到聞到個湯底好濃味配料超多臭臭鍋有唔少得既臭豆腐大量牛肉米血糕鴨血豬大腸台灣貢丸唔同既菜同埋菇等等最有誠意係竟然仲有鵪鶉蛋同蜆配埋粉絲真係超滿足另外烤魚鍋就有超大舊煎魚好滑一啲都唔腥其他配菜就同臭臭鍋差唔多岩哂送飯呀未開始食啲香腸已經到左皮脆又多汁好似去左台灣咁飲品就係超級水果綠研同埋爆檸四季春睇到已經知道落足料啦抵飲埋單都係每人百幾蚊超抵食下次經過就算食唔落野都要買野飲呀