來多碗車仔麵 (路德圍) (已結業)

荃灣真係好多嘢食，選擇又多，今日同個friend 去呢間喺路德圍嘅來多碗車仔麵，都算係新開嘅，裝修幾靚，門口紅噹噹睇落似間中華料理多啲，心諗賣車仔麵使唔使咁靚裝修呀！我個friend 要咗一碗5餸麵，有豬腸，豬皮，魷魚，牛腩，雞翼 ; 佢話啲餸好惹味，最有驚喜係嗰個祕製辣醬喎。我都係要咗碗5餸麵，有牛筋丸，豬手，豬皮，豬紅，鹵水豆卜；我覺得牛筋丸最正，好爽口，豬手豬皮豬紅都好好味，鹵水豆卜鹹咗少少。呢度啲卡位好闊落，紅色嘅梳化令到啲環境好喜慶，可以舒舒服服坐喺度食，唔同出面啲車仔麵檔咁簡陋，以後約朋友傾計又多一個聚脚地喇！