Seoulmate (京都廣場) (已結業)

今日和太太往銅鑼灣seoulmate午膳, 我們點了韓式清湯牛肋肉粉絲, 海鮮魚子忌廉意粉, 柚子橄欖海鮮沙律+脆薯網和熱朱古力奶烤自家製棉花糖。韓式清湯牛肋肉粉絲清湯好鮮甜, 牛肋骨切得細細粒, 肉質鮮甜好腍, 蘿蔔好入味, 粉絲爽口, 好足料食落好美味；海鮮魚子忌廉意粉忌廉香濃好香滑, 意粉爽口吸收哂忌廉汁好惹味, 魚子味道香濃惹味, 海鮮有墨魚, 蝦和貝柱食落新鮮彈牙, 配上半熟蛋, 蛋汁連意粉和海鮮一同食口感豐富,好足料；柚子橄欖海鮮沙律+脆薯網沙律菜和車厘茄好清新爽口, 柚子食落清甜, 十分醒胃, 橄欖味道好香和柚子好夾, 脆薯網食落香脆, 食落口感似媽咪面, 脆薯網鋪上濃香芝士食落惹味, 海鮮有蝦和貝柱, 食落新鮮惹味, 十分醒胃；最後熱朱古力奶烤自家製棉花糖賣相吸引, 棉花糖甜度適中, 好嚇香滑配上味道香濃熱辣辣的朱古力, 味道一流, 軟綿綿的朱古力。餐廳座位舒適, 食物味道和賣相一流, 而且菜式特別吸引, 好美味食韓國菜, 值得三五知己聚會好地方。