麻辣風雲 (荃碧大廈) (已結業)

假日約咗朋友喺荃灣食飯，我話想食啲「香口」食物，朋友就帶咗我嚟呢間餐廳，聽個名都覺得有啲香口同刺激😆叫咗$148嘅「干鍋鮑魚」，用一隻鑊上，下邊放個小火爐，熱辣辣兼香噴噴；鮑魚煮得軟熟但係又有啲咬頭，干鍋裏面仲有好多材料，包括蓮藕片、紅辣椒、青辣椒、蒜頭、煎香咗嘅薑片、京蔥、芹菜、同埋大量香料，全部食起嚟都非常惹味😋，鮑魚沾上干鍋裏濃郁嘅汁液，更加好味😋$98嘅「口水雞」，叫咗小辣。味道少少麻少少辣，雞肉軟滑，又係好香口😋$88嘅「豬油渣炒萵筍」，萵筍新鮮爽脆；豬油渣而家唔係好多地方有得食，配萵筍一齊炒，都係非常香口美味😋呢餐絕對滿足到我要「香口」嘅要求，朋友揀得好😁