老馮茶居 (大棠路)

今晚家人想叫點心外賣，通常食點心我地會有3個選擇，而老馮茶居絕對係其中一個考慮。平時大約2星期幫襯一次，老馮大部分的食品都好味，重點推介佢地的蝦醬蒸腩仔飯，但今次因為已經食咗一半 (因太好味), 所以並無影相。炸雲吞係另一推介，除咗炸得夠脆外，肉質亦好新鮮。另外蜆蚧鯪魚球的魚肉及質感都整得幾好，絕對值得試下。如果幫襯老馮，有件事大家要留意一下，因為製作需時，老馮茶居外賣普遍需要稍為多啲時間準備食物 (無論你外賣自取，或用外賣平台apps落外賣)，要預番時間。