萬丸燒肉 (已結業)

今日放工，肚仔非常餓，唔食啲任食既放題真係搞唔掂，最終揀左銅鑼灣萬丸燒肉🔥食餐勁既。餐廳裝橫以木系為主，座位寛敞，坐得舒服。我地揀左$348 特上燒肉餐，食既牛係安格斯牛，套餐亦都有豚肉、雞肉、連羊腩都有架，仲有青口添。幾款牛🐂都有得揀原味或者壽喜燒汁口味選擇，各有特色。封門柳、 肩胛脊肉、牛肋骨都好高質，牛味香濃。另外，牛舌都幾吸引，牛舌鋪滿蔥花，黑椒調味，唔需要沾任何醬汁已經好好味。店員好似送錯碟A4 宮崎和牛黎我地枱，我地試左，好正呀，下次食和牛餐先。呢度啲熟食同小食都好正，上枱時熱辣辣，雞軟骨、一口豆腐、清湯牛坑腩，估唔到都整得好好食。呢度既前菜除左泡菜、芽菜，仲有少見既海蜇，食多幾碟先。呢度有溫泉蛋🥚，又有日本蛋，可以攪勻點燒肉食。每人仲有杯雪糕架，食埋雪糕🍧超滿足。