華南冰室 (已結業)

今要去到深水埗行街，突然發覺今日未飲咖啡，結果行咗入呢間冰室 ，叫咖啡再加多碟頹飯 - 黑椒豬扒飯。呢度無快餐，碟頭飯同杯啡都係正價，仲要人頭低消為港幣14元。杯咖啡講真一般，係一般茶仔嘅水準，無乜特別好講。反而嗰碟碟頭飯極為驚喜！黑椒汁，豬扒，飯，呢三種物質構成一碟美味頹飯。飯同兩件豬扒都係普通貨，反而黑椒汁今日就搶晒鏡，將豬扒同飯緊扣起來，個汁完全發揮作用，將呢碟頹飯升格為另一層次，原因係個汁不太濃，又不太稀，啱啱好掛喺豬扒同飯個面，大家又唔會搶到大家應有嘅味到，讚！真心希望下次回頭再一次嚐到此美味頹飯。