夢の丼 (已結業)

今天來到土瓜灣，朋友強烈推介她的至愛"夢の丼"，食店位於主要街道旁，好容易搵到。店內裝修主要用木作材料，和式風格，一邊進食可以一邊聽住日文歌，感覺很輕鬆。餐牌上有好幾款不同類型的丼，每個都好吸引，大家諗嚟諗去討論咗好耐食边个丼好，結果我哋揀咗一番拖羅丼同二重親子丼，此外，多叫一個黑松露芝士玉子燒，等待的時候特別緊張，尤其是望住師傅們即席烹製。 一番拖羅丼，材料包括大鮪魚腩、中鮪魚腩、碎葱鮪魚腩、火炙大鮪魚腩及玉子漬，火炙鮪魚腩更覺魚油香味。每件魚生都極度肥美，鮪魚腩勁新鮮，脂肪分佈均勻，入口即溶。每個套餐都包括麵豉湯、前菜及甜品，這個麵豉湯不得了，是個海鮮麵豉湯，相信係由蝦頭餚成嘅湯底，感覺像龍蝦湯味(資深廚師話我知：蝦湯其實係油蝦頭餙成)。好欣賞個飯已經調好味，味道啱啱好，愈食愈開胃，油漬蛋好香，送飯一流。最後食埋個甜品，是蕃薯配綠茶醬，甜絲絲的感覺，完滿極了。二重親子丼，材料包括三文魚、三文魚子、拖羅蓉、松葉蟹蟹肉、松葉蟹蟹子及蟹膏豆腐，整個丼食落有幾層口感，最喜歡個蟹肉及蟹膏豆腐，好濃蟹味，松葉蟹蟹子粒粒脆卜卜，口裏面用牙咬落去蟹子嘅感覺真係好美妙，三文魚粒及拖羅蓉拌飯堅正。黑松