coffeeflow (已結業)

搭車去旺角嘅時候都會見到美孚山上有一啲舊式嘅屋仔。 今日終於的起心肝去美孚嘅活化古蹟饒宗頤文化館下行。 文化館依山而建，分為三部份。 Coffee flow 位於山中間， 店外佈置得精緻優美，有一幅好靚嘅花卉牆，好文青feel 。 店內亦有音樂主題的牆比食客打卡，星期六一於同朋友們chill 下。 喜歡咖啡嘅我當然係要點，咖啡味比較重嘅Iced cappuccino。 一上檯外觀就好吸引，形成三個層次嘅色彩。底層為一shot嘅Espresso, 中層係牛奶, 而最頂層為奶泡。一入口，厚厚嘅奶泡湧入口中。斷而就係牛奶嘅香味，最後飲到咖啡嘅甘甜味。 咖啡味唔會太苦亦都唔會太澀。Double espresso 亦唔會太苦，帶咖啡既甘味同唔澀。 秘製龍蝦包配沙律，包中間夾着龍蝦肉mix 埋嘅沙律醬，味道感覺似食緊沙律醬包。龍蝦肉唔夠，有點失望。 但旁邊嘅沙律菜非常之新鮮，顏色亦非常翠綠，入口即發出索索聲。 如果要喺美孚搵一間好chill嘅coffee shop，呢間會係唔錯嘅選擇。 如果日後疫情好點， 開返戶口檯櫈，感覺會更好。