八號草 (已結業)

如果唔係去玩草地滾球都唔知入邊有間西餐廳，室內環境好闊好大好，坐得好舒服。✨咁啱遇到草地滾球比賽，仲可以一度食一度睇現場比賽。🤩呢間餐廳亦都係寵物有善，見到好多狗主都帶埋狗仔一齊去食。墨西哥辣肉醬意粉 $138🍝Lunch set 包前菜同嘢飲，前菜有沙律加芝麻醬或者蕃茄湯加餐包，兩款揀。今次就揀咗沙律，🥗沙律菜都好新鮮。主菜意粉上碟嘅時候擺盤都幾精緻，份量亦都啱啱好。雖然佢叫辣肉醬但係食落完全唔辣，食唔到辣嘅都可以照嗌呢個。蕃茄肉醬味道偏淡，肉碎份量就適中。