影片
更多
2018-06-19
396 瀏覽
父親節到了, 又係時間做乖乖女, 知道爸爸鍾意食放題邊爐, 最大嘅原因係佢鍾意食食下又可以出去拎下嘢食, 唔使齋坐咁悶. 另外, 佢係不折不扣嘅海鮮迷, 上星期見到有網上雜誌介紹開咗一間新嘅牛鍋, 每位食客於晚市惠顧都可以有海鮮盛合一客, 當中包括龍蝦添! 佢好似一般牛鍋放題一樣, 牛肉有幾個級數, 可以選擇父親節一於食好啲, 我哋點咗日本霜降和牛放題, 首先選擇湯底, 有日式和牛清湯, 小魚蕃茄湯, 日式壽喜燒, 泡菜豬骨湯, 骨膠原雞湯, 鰹魚昆布湯. 我係一個不折不扣嘅蕃茄迷, 當然點小魚蕃茄湯啦, 佢真係有幾條魚乾響湯裏面, 跟住自己在喺buffet枱上攞咗幾片番茄加料. Buffet枱上有好多食物嘅選擇大部分都同其他牛鍋差不多, 例如唔同菜嘅款式, 肉丸魚丸類別, 稻庭烏冬, 小雲耳, 菇類等等, 除此以外仲有好多調味料咁俾大家 ”搞來搞去” ^0^! 到侍應端上湯底嘅同時, 第二個侍應立即送上刺身和海鮮盛合. 刺身拼盤上有牡丹蝦, 帶子, 三文魚, 吞拿魚同埋劍魚腩, 開完全唔駛剝殼, 而且四個大蝦頭排得好靚! 大蝦頭可以用嚟淆湯令湯底更鮮甜, 又或者就咁食蝦頭
佢好似一般牛鍋放題一樣, 牛肉有幾個級數, 可以選擇父親節一於食好啲, 我哋點咗日本霜降和牛放題, 首先選擇湯底, 有日式和牛清湯, 小魚蕃茄湯, 日式壽喜燒, 泡菜豬骨湯, 骨膠原雞湯, 鰹魚昆布湯. 我係一個不折不扣嘅蕃茄迷, 當然點小魚蕃茄湯啦, 佢真係有幾條魚乾響湯裏面, 跟住自己在喺buffet枱上攞咗幾片番茄加料.
Buffet枱上有好多食物嘅選擇大部分都同其他牛鍋差不多, 例如唔同菜嘅款式, 肉丸魚丸類別, 稻庭烏冬, 小雲耳, 菇類等等, 除此以外仲有好多調味料咁俾大家 ”搞來搞去” ^0^!
到侍應端上湯底嘅同時, 第二個侍應立即送上刺身和海鮮盛合. 刺身拼盤上有牡丹蝦, 帶子, 三文魚, 吞拿魚同埋劍魚腩, 開完全唔駛剝殼, 而且四個大蝦頭排得好靚! 大蝦頭可以用嚟淆湯令湯底更鮮甜, 又或者就咁食蝦頭裏面嘅蝦膏又得. 帶子大大粒而劍魚腩比較實身, 呈現新鮮嘅狀態, 有少少有油香味, 真係想一食再食~
海鮮盒內有扇貝, 沙白, 貴妃蚌,生蠔, 聖子皇, 海蝦, 鮑魚最重要嘅就係龍蝦. 十分認真地說全部海鮮都係好新鮮嘅~絕非雪藏海鮮! 見到鮑魚仲係活生生仲響度郁的! 生蠔煮完一輪仲係好大隻還有一些甘甜! 扇貝, 貴妃蚌都被洗得好乾淨, 絕對冇沙, 蟶子皇大就係當然㗎啦, 仲好好肉 咬落十分爽口! 鮮蝦我放到最後先食, 以為平平無奇一隻蝦, 點知肉質細嫩，完全唔會實的的! 另外一個重點就係龍蝦本來係南非龍蝦, 但係佢哋話今晚冇曬貨所以, 改咗用波士頓龍蝦, 憑肉眼一睇就知道啲肉係十分新鮮, 唔會好似食自助餐嗰啲龍蝦被烚到啲肉死實實. 蝦肉彈牙鮮甜, 而且有好多膏, 第一次一人半隻咁新鮮多膏嘅龍蝦放在自己火煱內, 可以“自私食”！
到尾聲當然係甜品時間啦! 除咗有雪櫃裏面嘅甜品外, 仲有每人一杯嘅雪糕, 有Movenpick同埋Hargandize畀大家揀, 我同屋企人一支選擇咗楓糖合桃既Movenpick, 因為出面少有一D.
其實出面真係冇乜試過咁正嘅火鍋放題, 第一牛肉好正, 第二海鮮盒嘅材料完全係新鮮, 每一款都係鮮甜, 第三係刺身唔似係係普通放題級數嘅刺身, 餐廳都幾肯揼本我係食材方面, 今次父親節晚餐, Daddy表示十分滿意!
日日涮美孚百老匯街69-119號美孚新邨第4期美孚廣場3樓訂座電話: 29822231
張貼
