影片
更多
2018-07-16
1469 瀏覽
身邊有朋友好鐘意美少女戰士，所以當一見到呢個主題喺各媒體洗版，我已經約定佢喇。出左幾日已經人頭湧湧，個個都去打卡，我地星期五晚來到，都等左一陣位。等位期間就喺鋪頭外面影下相，有五個紙版造型嘅美少女，確實係幾靚嘅。因為呢間點心我並非第一次來，所以有部份點心我都試過，只係主角唔同左，所以我大約知道係咩味道，主題重要過味道，唔好太大期望的話，其實都唔會失望嘅今次呢系列嘅點心有三十幾款，多過以往，連本餐牌都好靚，少女心爆發，又影一輪。點單後，店員好快就送上月野兔紙扇、杯墊，好精美。我地事後先知原來唔同日子去，會有唔同嘅角色。隨便點左幾款點心試下，雖然人多，上菜都會幾快，所以我地都拿拿聲影相。因為枱面位置唔算大，店員都好醒目，提供左一個架，等我地放點心。鮮蝦帶子餃：我多數都會點蝦餃，今次一籠五粒，五個角色，我地得兩個人，每人食兩粒已經飽飽地。餃皮唔算太厚，而且有明顯蝦肉，不錯。原粒帶子燒賣：燒賣上有行星符號，一籠五粒，又係飽肚之選，應該叫多幾個朋友來share。帶子新鮮，燒賣肉感滿滿，都合格煎蛋糯米雞：呢個係小兔造型，糯米雞比較一般，面頭有件煎蛋，比較淡，而糯米飯粒佔左九成，餡唔多，飯粒偏硬同乾
今次呢系列嘅點心有三十幾款，多過以往，連本餐牌都好靚，少女心爆發，又影一輪。點單後，店員好快就送上月野兔紙扇、杯墊，好精美。我地事後先知原來唔同日子去，會有唔同嘅角色。隨便點左幾款點心試下，雖然人多，上菜都會幾快，所以我地都拿拿聲影相。因為枱面位置唔算大，店員都好醒目，提供左一個架，等我地放點心。
鮮蝦帶子餃：我多數都會點蝦餃，今次一籠五粒，五個角色，我地得兩個人，每人食兩粒已經飽飽地。餃皮唔算太厚，而且有明顯蝦肉，不錯。
原粒帶子燒賣：燒賣上有行星符號，一籠五粒，又係飽肚之選，應該叫多幾個朋友來share。帶子新鮮，燒賣肉感滿滿，都合格
煎蛋糯米雞：呢個係小兔造型，糯米雞比較一般，面頭有件煎蛋，比較淡，而糯米飯粒佔左九成，餡唔多，飯粒偏硬同乾。
鮮蝦腸粉：腸粉又係齊哂五個角色，粉皮唔算太厚，可以接受。
雞肉咸水角：咸水角幾得意，同一般酒樓完全唔同，雖然食落都脆，但餡唔夠多。
蛋撻：蛋撻實物都幾靚，上面有塊曲奇，係做左蝴蝶結造型。蛋白質地夠滑，外皮就腍D。
小丸子椰皇：朋友點嘅椰皇，我之前食過一次，唔係我杯茶。
張貼
