Boy n Burger (已結業)

朋友想食漢堡包，之前喺網上見好多人討論呢一間美式快餐廳，一直都想試吓，所以就黎食啦！店舖裝修幾靚，美式復古風格，同埋有個好可愛既Logo。而廚房係開放式，客人可以睇到廚房嘅運作。另外有個位係俾客人自行斟汽水&拎醬汁。汽水仲係無限添飲㗎 ！------------------------------🔴雙層芝士漢堡+辣肉醬芝士薯條+Zero 可樂呢度嘅麵包係即整，所以熱辣辣上！牛肉好Juicy，煎得好香口，唔會好乾。呢度嘅牛肉係用咗不含抗生素既英國農場草飼及穀飼牛肉，食得都放心呀！呢個芝士薯條好好味，肉醬同芝士份量都多，所以好惹味。面頭仲有啲墨西哥辣椒，更加增添香辣口感！.🟢Bobby Burger +炸薯粒+Zero 可樂嚟到呢度梗係要試吓佢嘅signature Bobby burger！材料有雙層牛肉加上芝士、生菜、蕃茄及洋蔥等，同埋有甜甜既沙律醬，口感比較Fresh，亦都冇咁油膩！個薯粒都炸得好香口，薯味好出，唔會好粉，加埋出面拎既辣椒醬，個人覺得都幾Match！個辣椒醬都幾好食😆都幾辣吓㗎！