Briketenia

營業中

休息中

朋友生日，搵咗一間北角好出名嘅法國餐廳食法國菜，餐廳環境舒適，以雲石裝修，每張枱都擺有鮮花，高貴優雅，部份室內位置還看到海景，露台亦設有位置，可以飽覽海景。而且服務周到，主廚不時出來同食客交流，最後，還送我哋甜品。我哋叫咗兩個set dinner，分別有兩個Starter、兩個main course及兩杯餐飲。我哋坐低冇耐，店員就送上餐包，係法包，烤得外脆內軟，配上銀魚柳蛋黃醬，好好味。Starter法式白酒煮青口青口非常之鮮嫩，配上白酒汁，開胃好食。法式鵝肝焦糖燉蛋配田園沙律鵝肝燉蛋非常之嫩滑，燉蛋滲出鵝肝嘅奢華味，加上燒到焦脆焦糖表面，非常之夾同好味，一定要試！油封法國鴨腿配新薯、紅莓汁鴨腿煎得外酥內嫩，鴨肉非常之林，骨肉一切就開，外皮煎到充滿油脂香，搭配紅莓汁，酸酸甜甜，平衡左油膩感。香煎海鱸魚配蜆肉忌廉汁海鱸魚煎得金黃酥脆，肉質鮮嫩，配上忌廉汁，非常之Creamy濃郁，同海鱸魚嘅鮮味非常之夾。士多啤梨奶凍奶凍唔係好甜，非常之smooth，配上酸酸甜甜嘅士多啤梨汁，好好食。