DAYS IN THE SUN

營業中

休息中

呢間餐廳位置好近Yoho，入到去非常打卡able同靚，好似去左個悠閒花園咁，加上陽光映入，真係好符合餐廳名！呢度非常特別，之前去過好多cafe都冇見過有餃子，通常都係西式。揀咗個精品餃子套餐，有好幾種口味可以選擇(例如：三鮮，粟米豬肉等），我地就要左香菇木耳豬肉同埋黑松露芝士口味。餃子餡料滿滿，香菇木耳味道夠香又有咬口；黑松露芝士就有佢嘅獨特香氣，加埋芝士夠晒邪惡好味。餃子餐有配有個瑪德蓮蛋糕，預期之外嘅好味，同咖啡亦都好夾。朋友就揀咗個all day breakfast，非常多種類，小番茄，煙三文魚，沙律，大啡菇等，確實係all day breakfast吸引人之處。黑松露炒蛋非常滑溜，正！呢到唔喺提供飽類，而係搭配楓糖班戟，更岩我地口味❣️咖啡亦都出色，好飲，hand drip有水準。朋友就揀咗杯hojicha 飲品，同樣出色。佢地飲品仲有附上一張好有意思嘅手抄句子卡，有時唔同心情，際遇嘅人，見到呢張卡都可以有個小窩心，積極面對。整體環境，食物都好好，係一個好地方去放鬆慢活。