影片
更多
2016-05-09
1364 瀏覽
美芝蓮食府 傳聞中香港最好食既沾麵哇 一睇就知佢既來頭勁啦！最出名既沾麵湯汁係由愛媛縣大洲梶田商店既醬油再加沙丁魚、鯖花魚、海帶等煮成 難怪醬油味道咁濃烈 但咸味過後又會有一絲既魚鮮味 而另外一個特色就係表面既一層大荳油 真係好厚 有油香但又唔會覺得好油膩 湯汁入面仲有魚碎、半肥瘦勁好味既豚肉粒同大量既蔥花 令整個湯汁味道好豐富湯汁既濃淡油膩程度係可以選擇既 我今次揀左濃味同普通油膩程度就覺得有d過咸 因為佢整體係偏重口味 建議選擇淡味少油 應該已經足夠掛麵了.麵方面 因為佢有自家既製麵機 整出黎既麵十分彈牙 而且好有蛋香 配湯汁食一流 佢有熱麵同凍麵供選擇 個人建議食凍麵 方便食唔會痴住唒之餘亦比較彈牙最後要講既係溏心蛋 味道好重醬油味 但唔算好流心同埋會比較冧 冇左蛋既質感 不過都係好好食整體黎講係高質素既重口味沾麵 價錢亦都唔貴呀 呢個帆立貝油麵係周月獨有既招牌菜 好多人會理解錯佢個名 佢係帆立貝油+油麵 而唔係 帆立貝+油麵日本既油麵其實即係類似撈麵 店員話佢既食法係將所有配料拌好 先試味 唔夠味既話再加醋同醬油 原味食到一半既時候先叫蛋落去一齊食帆立貝油既香味似干貝既味 本身
沾麵
$88
73 瀏覽
0 讚好
0 留言
湯汁既濃淡油膩程度係可以選擇既 我今次揀左濃味同普通油膩程度就覺得有d過咸 因為佢整體係偏重口味 建議選擇淡味少油 應該已經足夠掛麵了.
麵方面 因為佢有自家既製麵機 整出黎既麵十分彈牙 而且好有蛋香 配湯汁食一流 佢有熱麵同凍麵供選擇 個人建議食凍麵 方便食唔會痴住唒之餘亦比較彈牙
最後要講既係溏心蛋 味道好重醬油味 但唔算好流心同埋會比較冧 冇左蛋既質感 不過都係好好食
整體黎講係高質素既重口味沾麵 價錢亦都唔貴呀
帆立貝油麵
$88
66 瀏覽
0 讚好
0 留言
日本既油麵其實即係類似撈麵 店員話佢既食法係將所有配料拌好 先試味 唔夠味既話再加醋同醬油 原味食到一半既時候先叫蛋落去一齊食
帆立貝油既香味似干貝既味 本身既味道已經好香 加上麵條掛麵能力高 所以根本唔洗再加調味已經好好味
加左蛋之後黏度會提高 添左少少蛋香 但唔算有太大分別
而配料就有筍絲 蔥粒 芽菜 同鹿兒島黑豚腩肉粒~肉粒燒得幾好香 肥膏同肉既比例啱啱好 而其他配料就令麵食起黎既口感更加好同香
整體黎講我覺得係好好食 質素唔錯 而且又係較少見到既麵食 值得一試
環境亦比人有種處身日本既感覺 職員都好友善咁講解每種麵既特色同食法 係值得再次光顧
張貼
