影片
更多
2022-07-13
1286 瀏覽
一出黃埔站C出口最搶眼除咗係隻船，應該就係對面街嘅黃埔美食坊。玻璃上掛住大大個中式招牌寫三大個字「詠藜園」，一睇就知食中菜。聽聞本身呢個美食坊又叫蔡瀾美食坊，多數都係蔡瀾推介嘅餐廳。不過經轉手後，原先嘅餐廳已經所剩無幾，呢間似係開得最耐。食咗：▪️擔擔麵 （辣）$39▪️麻辣擔擔麵$43▪️楊家小籠包（4個）$39▪️炸饅頭（4個）$38▫️另計茶芥，包前菜一小碟炸芋頭片-擔擔麵望落偏紅，不過麻辣同原味個味道其實差唔多，麵嘅硬度適中，唔會太硬或者過腍。整體重花生味多啲，內有少少肉碎。小籠包同炸饅頭麵係四件一份，人均兩件，試試味。小籠包未到爆汁，不過都要小心辣親個嘴；炸饅頭呈金黃色，要趁熱食，外皮酥化。食物味道整體上都係估得到，唔算好特別，隔一排再睇返印象唔太深。環境係無咁嘈嘅酒樓格局，同場都多人叫餸食飯，可能小菜會更加出色。
聽聞本身呢個美食坊又叫蔡瀾美食坊，多數都係蔡瀾推介嘅餐廳。不過經轉手後，原先嘅餐廳已經所剩無幾，呢間似係開得最耐。
食咗：
▪️擔擔麵 （辣）$39
▪️麻辣擔擔麵$43
▪️楊家小籠包（4個）$39
▪️炸饅頭（4個）$38
▫️另計茶芥，包前菜一小碟炸芋頭片
-
擔擔麵望落偏紅，不過麻辣同原味個味道其實差唔多，麵嘅硬度適中，唔會太硬或者過腍。整體重花生味多啲，內有少少肉碎。
小籠包同炸饅頭麵係四件一份，人均兩件，試試味。小籠包未到爆汁，不過都要小心辣親個嘴；炸饅頭呈金黃色，要趁熱食，外皮酥化。
食物味道整體上都係估得到，唔算好特別，隔一排再睇返印象唔太深。環境係無咁嘈嘅酒樓格局，同場都多人叫餸食飯，可能小菜會更加出色。
張貼
