Greyhound Café (MOKO新世紀廣場) (已結業)

餐廳嘅裝修風格真係睇唔出係一間泰式料理店，望到餐廳真係先知✨，不過唔緊要，最緊要就係食物質素呀😚！餐廳嘅環境幾大，每張檯位置之間都有好大空間🔲，都坐得幾舒適。🎈泰式鹵水鴨湯河粉 $98鴨腿一大隻🍗，肉質軟熟，容易一夾就鬆。湯底濃郁💦，比較難搵到嘅獨有泰式湯河，湯底嘅顏色、配料分量、麵質都好平均😯。另外附上四款調味料，泰式辣汁、辣粉等等。每款都極酸或極辣，所以要小心加配喇⚠！！🎈泰式奶茶畀起傳統奶茶更為甜味十足😋，無乜茶嘅澀味，奶味反而鮮明更多🥛。🎈炸越式蟹肉春卷另外有生菜畀你可以夾埋春卷一齊食，如果整係食春卷會感覺有啲硬，似係好硬嘅丸子咁。不過加咗生菜感覺有少少變化，或者係生菜嘅爽脆，春卷變得爽口彈牙，點埋少少甜酸醬汁，算係不錯嘅小食嚟，不過蟹肉就唔係好食得出喇。