喜滿樓菜館

營業中

休息中

係喜滿樓食過兩次，第一次食覺得真係好有驚喜，而且價錢同味道都係性價比高。今次朋友想食小菜，就再黎試下其他菜，平日有9折夜晚都好多人，最好訂定位。我地叫了四個小菜，黃金蝦、椒鹽軟殻蟹、粉絲什菜煲同埋金牌麻辣雞煲。黃金蝦，鹹蛋黃味夠濃，椒鹽軟殻蟹外脆內嫩，粉絲什菜煲略嫌淡左少少，但有住家味道。麻辣雞煲味道剛好，口感岩岩好，唔會太韌。呢度送埋白飯同老火湯，真係飽到上心口，食得好滿足。人均100元有找，同大牌檔差唔多，都算抵食又好食。呢度有太多野食, 真係有排才食完。