影片
更多
2016-04-13
1267 瀏覽
我自認係一個米線狂人, 雖然身懷六甲, 不過都忍唔到口唔食小小辣。前幾日我見到一個Facebook Post 係講十大又平又好食米線, 我心癢癢決定出動覓食!先試第一間位於佐敦地鐵站C2出口既『雲南阿老表黑羊湯鍋米綫』首先睇下佢地既餐牌, 選擇唔多, 最出名莫過於羊肉或者水口雞。陳生係羊既忠實fans, 而我就係雞愛好者, 當然一樣一碗啦! 米線有大碗同細碗之分, 而羊亦分帶皮同不帶皮。我個人認為如果兩個女仔黎可以叫大碗Share ! 我唔食羊, 根據陳生既意見, 羊好騷, 鍾意食羊既人先接受到, 分量足充, 可惜湯底一般般, 味道較淡。米線就真係失色, 煮得太耐太淋, 一挾起就斷開, 欠缺口感。我食口水雞米線, 另外加左HK$1要酸菜(另上)。如果你係鍾意食辣既人, 我就提議你要試,, 一來味道ok, 二來個我個過豬骨湯底味道是較淡。口水雞屬於小辣程度, 我個份以雞胸為主, 所以肉質算不上滑, 不過味道尚算可以, 而雞份量亦算多。除此之外我加左墨魚丸, 普通料啦。食後感: 不過不失, 價錢尚算優惠, 份量充足, 可以一試。不過選擇少, 只有三款米線另加五款配料。好食指數: 3 (最高
先試第一間位於佐敦地鐵站C2出口既『雲南阿老表黑羊湯鍋米綫』
首先睇下佢地既餐牌, 選擇唔多, 最出名莫過於羊肉或者水口雞。
陳生係羊既忠實fans, 而我就係雞愛好者, 當然一樣一碗啦! 米線有大碗同細碗之分, 而羊亦分帶皮同不帶皮。我個人認為如果兩個女仔黎可以叫大碗Share ! 我唔食羊, 根據陳生既意見, 羊好騷, 鍾意食羊既人先接受到, 分量足充, 可惜湯底一般般, 味道較淡。米線就真係失色, 煮得太耐太淋, 一挾起就斷開, 欠缺口感。
我食口水雞米線, 另外加左HK$1要酸菜(另上)。如果你係鍾意食辣既人, 我就提議你要試,, 一來味道ok, 二來個我個過豬骨湯底味道是較淡。口水雞屬於小辣程度, 我個份以雞胸為主, 所以肉質算不上滑, 不過味道尚算可以, 而雞份量亦算多。除此之外我加左墨魚丸, 普通料啦。
食後感: 不過不失, 價錢尚算優惠, 份量充足, 可以一試。不過選擇少, 只有三款米線另加五款配料。好食指數: 3 (最高為5)
張貼
