翠華餐廳 (已結業)

今日天氣得十一度，凍冰冰又係藉口落街食個豐盛早餐，開個靚頭Good Morning 🌞要咗個D餐五香肉丁公仔麵配菠菜炒蛋、牛油豬仔、飲熱檸蜜茶❤️五香肉丁都好多份量，唔會好似有時其他茶餐廳得嗰兩三粒小家到死🤦‍♀️不過公仔麵稍微煮得耐咗⋯麵太軟身菠菜炒蛋一如既往咁好味，又唔會太鹹，炒蛋煮得剛剛好，我鍾意佢加啲菠菜喺炒蛋入面，令到份早餐「感覺」健康啲🤣豬仔熱辣辣，卜卜脆，無得輸😝本身我想叫熱菜蜜，不過原來翠華係無熱菜蜜🤦‍♀️侍應姐姐推薦我飲熱檸蜜水/熱檸蜜茶❤️真係無咩聽過熱檸蜜茶，即刻整杯黎試吓先😊最正係唔洗另外加錢❤️原理就係熱檸茶加上蜂蜜，又幾滋潤喎，呢幾日天氣凍飲就最適合不過👍